Aínda que xa fai tempo que o viñamos facendo, pois xa son unhas cantas familias que acudiron a algún de nós para pedir axuda, buscar información ou simplemente falar con outros pais/nais que os entendan, dende hoxe oficialmente temos en marcha o proxecto de "Acollida de novas familias".
Non é nada novidoso, hai moitas asociacións que o fan e con mellor e maior cobertura. Pero a nosa única intención e que as familias que se atopen neste duro proceso non se atopen sós e desamparados, sabemos por propia experiencia que é un momento moi delicado e doloroso, por iso pensamos que o debiamos facer.
Hoxe a tardiña unha ducia de pais e nais de Por Dereito e unha profesional da UAM de BATA xuntámonos para facer unha posta en común e ver como debiamos afrontar este novo reto.
Queremos pois facer esta entrada para dcilo públicamente e dicirvos que aquí estamos e que dentro das nosas posibilidades botaremos unha man a quen o demande.
En breve entregaremos nos servizos sociais e nos servizos pediátricos da nosa zona un escrito para que os pediatras e asistentas sociais saiban a onde derivar as familias que están cun diagnóstico de TEA recente ou en proceso de diagnóstico e que o precisen ou o demanden, a intención é que ninguén se atope sen resposta á pregunta ¿E AGORA QUE FAGO?
O contido deste escrito é ( elimino en internet os nomes e os teléfonos das persoas que van facer a "acollida") o seguinte: