Este verán recibimos unha curiosa chamada de teléfono. Uns mozos do Concello de Ribadumia estaban traballando nun proxecto para facer mais accesible a Ruta de Sendeirismo do Umia en Barrantes.

A súa intención inicial era convidarnos a inauguración duns códigos QR que ían por pola ruta para que calquera con un móvil de nova xeneración puidera ler eses códigos e acceder a uns audios explicativos da ruta. Nós sempre estamos dispostos a colaborar cando hai intención de facer mais accesible o entorno pero dixémoslle que ainda que a súa idea era fantástica faltaba algo...hai peroas para as que a información auditiva non significa ter acceibilidade a ela, hai persoas que precisan dunha información visual sinxela e limpa para entender o espazo no que se atopan, falamos coma non dos pictogramas do ARASAAC.
Estes mozos e mozas do grupo informal Tenoxove-Ribadumia mostráronse entusiasmados coa idea e decidimos pois colaborar con eles e buscar no portal do ARASAAC os pictogramas que precisabamos. Ao final puxeron estes que son os que mais se axustaban, quedaron pendentes os de: muiño de auga, xacemento arqueolóxico, petroglifos e merendeiro campestrepois non están ainda no banco do ARASAAC

 
Fai quince días fomos unhas cantas familias de Por Dereito á inauguración, convidados por Tecnoxove. Veu tamén á inauguración o Director Xeral de Xuventude que podemos dar fe de que se mostrou entusiamado co resultado.
Xa que estabamos nun roteiro de muiños, comezamos por escoitar a explicación de como funcionan. Logo demos un bo paseo polo roteiro, parando a ver os códigos probándoos e tamén admirando o bonitos que quedaron os pictogramas do ARASAAC. O paseo foi estupendo, e grandes e pequenos disfrutamos dun domingo distinto e divertido e en boa compañía.
Ao rematar o paseo achegámonos á Carballeira de Ribadumia, onde A Escola de Música nos deleitou cunhas preciosas pezas musicais e finalmente sentámonos a comer baixo aquela sombriña tan agradable. O día foi completo pero moi relaxante.
Temos que aqradecerlles a Tecnoxove-Ribadumia esta iniciativa. Para nós é moi importante que outros grupos e mais se son xóvenes pensen na accesibilidade á información. Esta vez foi a primeira pero esperemos que haxa moitas mais propostas deste tipo.
Grazas novamente ao ARASAAC por existir e por facilitarlles a vida aos nosos cativos. Estas foron algunhas das noticias que saíron na prensa

Algunhas das fotos da inuaguración de do paseo:
 

E a entrevista na radio que lle fixeron a un dos integrantes de Tecnoxove-Ribadumia:
 
Tecnoxove-Ribadumia desenvolveu o ano pasado outro proxecto moi interesanteconsistente en facer unha web con xogos para axilizar a mente, este foi o rsultado: http://www.beebrite.com/